Moonlight Award sem a ni ta Mi pali hnenah Special Award hlan

Kum hnih dana sem ṭhin Moonlight Award chu December 4 & 5 zan khan sem a ni leh ta a, zaithiam mi pali hnenah Special Award hlan a ni. 

Moonlight Award hi Moodlight chanchinbu ten Siaha District chhunga kawng hrang hranga hlawhtlinna changte hnena an pek ṭhin a ni. Award semna hun hi MYA Multipurpose Hall, New Siaha-ah neih niin, mi 20 te hnenah chawimawina hi hlan a ni. 

Zaithiam zingah FC Hrokhu chu Best Male Artist atan thlan niin, Best Female Artist chu Jessica B. Khuhly a ni. Best Music Promoter atan John Beizachhi phuto chu thlan niin, Most Promising Artist chu Merina Lalrinomi Lyno a ni. Infiammi zingah Nt Biakkima chuan award a dawng a, Best Young Journalist atan Ambassy C. Lawbei  chu thlan a ni bawk. 

Special Award

Kuminah hian Special Award siam niin, ram pum huapa rimawi khawvela mi langsar tak tak te hnenah chawimawina hlan a ni. 'Sarah I zunzam' tih hla hmanga rampum dengchhuak thei Kimkima chu Special Award for Best Artist atan thlan a ni. Gospel artist zinga hriat hlawh tak Sawmtea Changte chu Best Gospel Artist award hlan a ni bawk.

Hmeichhe lamah Rachel Lalnunkimi leh Feli Fanai te chuan award an dawng a, Feli Fanai chu Best Female Artist atan thlan niin, Rachel-i hian Best Variety Artist award a humhaw ve bawk. 

Moonlight Special Award 

Special Award for Best Artist - Kimkima 

Special Award for Best Gospel Artist - Sawmtea Chhangte 

Special Award for Best Female Artist - Feli Fanai

Special Award for Best Variety Artist - Rachel Lalnunkimi, 



Share this Post

Login to comment
No Comments