BTS ten record thar an siam leh ta

Korean boy band BTS chuan record thar an siam leh ta a, K-pop zinga Apple Music kaltlanga tluklehdingawn khat chuang stream tu nei tling hmasa ber an ni. 

Apple music hi music leh video streaming service lar ber te zinga mi niin, hmangtu pawh an ṭhahnem hle. BTS pawh hi mi tld khat chuang zetin an stream tawh a, K-pop zinga hetiang thleng thei hmasa ber an ni. Hemi chungchang hi Big Hit Entertainment chuan tarlangin, an lawmpui thu an tarlang bawk. 

BTS hla te hian ngaihthlak a hlawh hle tih a hriat a, a bikin United States, South Korea, Japan, Canada, Australia, Europe ramte leh Southeast Asia lamah an tlana zual a ni. BTS hian UNICEF nena inremna an lo siam tawh angin 'Love Myself' campaign an kalpui bawka, heta ṭanga an sum hmuh hi $mtd1.4 zet a tling tawh a ni. 

BTS te hi Thawhlehni khan MBC Plus X Genie Music Award ceremony-ah an inlan a, American singer Charlie Puth te nen an perform ho nghe nghe a ni. Hei mai hi a la ni lo a - Best Artist of The Year atan thlan an ni a, Best Digital Album award an hui tel bawk. 



Share this Post

Login to comment
No Comments