Praise On 2018 final neih mek a ni

Synofo-in KṬP branch hrang hrangte tana beat group hmanga intihsiakna a buatsaih, Praise On 2018 chu November 6, Thawhlehni zan khan Mission Veng Kohhran Hall-ah chhunzawm niin, final round khatna neih a ni. Zaninah final round hnihna neih tur niin, naktuk Zirtawpni zanah result puan a ni ang. 

Praise On final-ah hian band 10 an intihsiak a, chu'ng KṬP branch-te chu - Chaltlang Band-1, Chaltlang South, Chanmari West Hmarveng, Dawrpui, Dawrpui Vengthar Band-2, Electric Vengthlang, Khatla East, Leitan South, Ramhlun North - White leh Republic Veng te an ni. 

Thawhlehni zana final thawh khatna hi Kristian Hlabu Zan a ni a, band tinin Kristian Hlabu-a hla an duh ber an sa a ni. Final zan hnihna hi Hla Chuam Zan a ni dawn a, band tinte'n an hla duh ber an sa thei dawn a ni. 



Share this Post

Login to comment
No Comments