Synod Choir music video thar 'Vanram ropuiah' tlangzarh a ni ta

Mizoram Synod Choir chuan tun term thara an music video hmasa ber 'Vanram ropuiah' tih chu nizan khan Synod Choir Cabin, Synod Conference Centre-ah an tlangzath ta. He music video hi Central KṬP Leader Rev. Dr. K. 

Lallawmzuala chuan a tlangzarh a ni.

'Vanram ropuiah' tih hla hi Synod Choir conductor T. Laldintluanga phuah a ni a, kum 2017-a a phuah a ni. Dina chuan, "Synod Choir hla zir turin mahni lamah harsatna neuh neuh nei chungin phur vak lo takin ka scooty-in ka 

tlan phei hnak hnak a; chutia ka kal lai chuan a hla thunawn tawp atana ka hman tak 'Hmangaih vanga ka Lal hmel hliam hnu kha, lawmna mittui far chungin ka kuangkuah ang' tih hi ka rilruah a lo lut nasa em em mai a, ka rilruin 

ka sa phei nghal ta nghe nghe a ni," tiin a hla phuah chungchang a sawi.

Dina hi hla phuah thiam niin, a hla phuah eng emaw zat chu KṬP General Conference Hla Buah dah a ni. Chung zingah chuan 'Lal Isua hmangaihna' tih te, 'Min hruai ṭhin' tihte pawh a tel. 

'Vanram ropuiah' music video hi uluk taka buatsaih a ni a, music leh video pawh a nalh hle. Music track hi tunlaia kan neih ṭhat berte zinga mi Lal K. Sailo kutchhuak a ni a, video hi Asanga Dosel kutchhuak a ni thung.



Share this Post

Login to comment
No Comments