'The Carters' concert vangin school khar hma dawn!

'The Carters' tia an sawi Jay-Z leh Beyonce te chuan August 21 khian Carolina-ah concert an nei dawn a, hei vang hian school khar hma a ni dawn!

Jay-Z & Beyonce te hian 'On the Run II' tour an nei mek a, an boruak pawh a lian hle. US-a khawpui hrang hrangah concert hi an nei mek a, a thlengtu lam pawh an inbuatsaih nasa ṭhin hle. August 21-a show an neih leh turah pawh hian a bul hnaia school ṭhenkhat chu khar hma a nih tur thu puan a ni.

School lama thuneitute chuan a hun aia hmaah zirna-in khar a ni dawn tih an sawi a, hriattirna an chhuah der tawh. Zirlai naupangten concert hi an chhim ve dawn tihna lam erawh a ni lo a, traffic jam nasa lutuk tur vang zawk a ni dawn. 

'The Carters' hian mi 80,000 lenna University of South Carolina, football stadium-ah concert hi an nei dawn a ni. An concert hian hlut a hlawh hle a, US president hlui Barack Obama te nupa pawhin an lo chhim tawh a ni.



Share this Post

Login to comment
No Comments