Thing upa tak tak thih danah Scientist te ngaih a ṭha lo

Tun hnai kum 10 vel liam ta khan African khawmualpuiah chuan thing upa tak tak chu an thi nasa hle a, hei hian scientist te ngaih a tiṭha lo hle. 

Africa-ah chuan thing lian chi, kum tam tak tak dam theia ngaihte chu chhan leh vang hriat lohin an thi nasa hle a, hei hian mi thiamte rilru a tibuai hle a ni. Scientist te chuan African baobab tree an tihte chu kum 10 vel liam ta aṭang khan an dinhmun a ṭha lo hle a, a rem pawh an rem chak hle a ni, an ti. Heng thing te hi kum 1,000-2,500 inkar te dam thei anga chhut an ni. 

Hei hi sik leh sa danglam zelin a hrin chhuah a nih an ring a, mi thiam te chuan mut mawh hnar mawhah an nei mek. 

Heng thing te hi kum 100 tam dam thei an nih laiin, an thi thut thut a, a chhan zirchian mek a ni. South Africa, Romania leh US-a mi thiam te chuan zirchianna hi an nei mek a, a sik leh sa awm dan pawh an zir chiang bawk. Kum 2005 vel aṭang khan radio carbon dating hmangin zir chianna hi an lo kalpui tawh a ni. 

Zimbabwe, Namibia, South Africa, Botswana leh Zambia-ah te hetiang harsatna hi a thleng nasa hle tih tarlan a ni. 



Share this Post

Login to comment
No Comments