Billboard Music Award-ah Ed Sheeran

May 21-a sem tur Billboard Music Award-a perform tur chu tun hnai khan puan a ni leh ta a, English singer Ed Sheeran a langsar hle. 

Award ceremony-a zaithiam perform turte hming ṭhenkhat chu puan a lo ni tawh a, chung zingah chuan Jennifer Lopez, Camila Cabello, Shawn Mendes, Kelly Clarkson, John Legend, Dua Lipa leh Korean boy band lar BTS te pawh an tel. 

Tun hnai khan he huna inlan tur hi puan leh a ni a, Ed Sheeran leh American singer Maren Morris te chu mipui hma inlan tur thar lam an ni. Anni bakah hian German-Russian record producer Zedd hming pawh tarlan a ni. 

Billboard Music Award hi May 20 khian MGM Grand Garden Arena, Las Vegas-ah sem a ni leh dawn a, American singer Kelly Clarkson chuan a host dawn a ni. 



Share this Post

Login to comment
No Comments