Bond girl tur Maya Jama?

British television presenter Maya Indea Jama chu James Bond movie-ah chang tura sawi rik a ni a, bond girl tura sawi rik a ni. 

James Bond film-a a changtunu te hi bond girl tia sawi ṭhin an ni a, Maya Jama pawh hi James Bond film chhuak leh turah a inlan dawn nia tarlan a ni. Maya Jama chuan, "Film chang tura sawmna ka dawng a nih chuan ka inngaihtuah ang, bond girl nih chu ka hreh lo" tiin hemi chungchang hi a sawi. 

Hetih rual hian amah lo pawh bond girl ni thei tura sawi rik an awm a, ''Kei leh midang pakhat buk kan ni a, tu zawk nge vannei dawn ka hre lo. A vanduai zawkah ka ṭang a nih chuan film chan ka tum tawh kher lo mai thei" tiin, Maya Jama chuan film-a inlan chu a tum ber a nih loh thu a sawi. 

Somali-Swedish thlahpawlh Maya Jama hi MTV broadcast journalist ṭhin a ni a, show hrang hrangah a inlan hnem tawh hle. Ama pualin radio show a nei bawk a, talk show host lar tak a ni. 'Cannonball' host hi kum 2014 aṭang khan English Hip-hop artist Stormzy nen an inzui a, bond girl tura sawi rik a nih avang hian a chanchin hian ngaihven a hlawh phah leh zual a ni. 



Share this Post

Login to comment
No Comments