US-ah Meghan Markle a kir

Thla leh lawka British lal tupa Prince Harry nena innei mai tawh tur Meghan Markle chu an ram US-ah visa buaipuiin a kir. 

American actress Meghan hian kartawp lam khan US hi a thleng a, UK awm theihna tur visa a buaipui a ni. VFS Global UK Visa Application Centre, Chicago-a a chevel hi police eng emaw zatin an veng a, mipuiin an chimbuai lutuk loh nan venhimna khauh taka kenkawh a ni. O'Hare International Airport-ah pawh amah hmuh tum mi eng emaw zat an pungkhawm a, nimin khan UK a pan rin a ni. 

'Suits' star hian British khua leh tui nihna a lo dil tawh bawk a, pasal nei tura buaipui ngaite a buaipui mek zel a ni. Prince Harry nen hian May 19 khian an inkutsuih dawn a, British lal chhungkaw zingah chhiar tel theih a ni thuai dawn. 



Share this Post

Login to comment
No Comments