iHeartRadio Music Award 2018 Sheeran, Swift leh Cardi B te langsar

iHeartRadio Music Award chu March 11, Pathianni zan khan The Forum, Inglewood, California-ah asem a ni a, mimala langsar chu Ed Sheeran leh Taylor Swift te an ni. Puerto Rican singer - Luis Fonsi leh Daddy Yankee te chu category pasarihah an hming a lang a, nomination hmu hnem ber an ni. 

Award ceremony hi American record producer DJ Khaled leh American model Hailey Baldwin te chuan an host a, show hi live-a pekchhuah a ni. English singer Ed Sheeran chu Male Artist of the Year atan thlan a ni a, a hla hit 'Shape Of You' chu Song of the Year atan thlan a ni bawk. American singer Taylor Swift chu Female Artist of the Year award hlan a ni a, American rapper Cardi B chu Best New Artist atan thlan a ni bawk. Award ngaihhlut hlawh dawngtu Cardi B, Ed Sheeran leh Taylor Swift te hi mimala langsar an ni a, show tihmuhnawmtu an ni. 

Cardi B hian Best New Hip-Hop Artist award a humhaw bawk a, mimala che ṭha ber pawl a ni. A ni bakah hian tun hnaia chanchin ngah tak Liam Payne hnenah Best New Pop Artist award hlan a ni a, Bruno Mars leh Kendrick Lamar ten R&B Artist of the Year leh Hip-Hop Artist of the Year award-te an dawng.  Bruno Mars hla hit That's What I Like chu R&B Song of the Year atan thlan a ni bawk. 

American pop rock band lar Maroon 5 chu Best Duo/Group of the Year atan thlan an ni a, American heavy metal band Metallica chu Rock Artist of the Year atan thlan an ni. Tun lai hla lar chuai thei lo Despacito chu Latin Song of the Year atan thlan a ni a, Luis Fonsi  chuan Latin Artist of the Year award a hum haw bawk. 

iHeartRadio Music Award semnaah hian Cardi B leh Camila Cabello te perform in lawm an hlawh hle. Taylor Swift pawhin a hla thar 'Delicate' a sa a, zaithiam dang eng emaw zan an perform bawk. 

iHeartRadio Music Award Winner

Song of the Year - Shape Of You (Ed Sheeran)

Female Artist of the Year - Taylor Swift 

Male Artist of the Year - Ed Sheeran 

Best New Artist - Cardi B

Best New Pop Artist - Liam Payne 

Rock Artist of the Year - Metallica

Best New Hip-Hop Artist - Cardi B 

R&B Artist of the Year - Bruno Mars 

Best New R&B Artist - Khalid

Latin Artist of the Year - Luis Fonsi 



Share this Post

Login to comment
No Comments