Cameron Diaz-i'n film chang tawh dawn lo!

Hollywood star Cameron Diaz chuan film chan a chawlhsan thu a puang a, a hun awl tam zawk chu in lamah hman a tum tawh tih a sawi. 

Kum 45 mi lai ni ve tawh Diaz hi Hollywood khawvela hriat hlawh ber pawl a ni a, film chan a tum tawh loh thu a sawi pawh hi mi tam tak chuan an hrethiam lo hle a ni. American actress chuan, "Film khawvelah kir leh tumna ka nei tawh lo a, ka pasal Benji Madden bula hun tam zawk hman a, in lumah ka hun awl tam zawk hman ve tawh ka duh a ni" a ti. Film khawvel chhuansan tura thutlukna siam chu harsa a tih thu sawiin, "Hun rei tak chhung ka lo chenchilh tawh a, chawl hlen tawh tura thutlukna siam chu harsa tak a ni" tiin a sawi. 

Cameron Diaz hi kum 1994-a tlangzarh 'The Mask' film aṭangin khawvelin a hmelhriat a, hetih hun lai hian kum 21 mi chauh a la ni. Bad Teacher (2011), Sex Tape (2014) leh The Other Woman (2014)-te chu a channa lar zual an ni. Kum 2014 a tlangzarh 'Annie' chu a inlanna hnuhnung ber a ni a, a kum lehah American band lar Good Charoltte guitarist Benji Madden nen an innei zui a ni. Benji nen an inneih hnu hian film chang leh tura sawmna pawh a dawng hnem hle a, film khawvela kir leh erawh a tum ta lo a ni.



Share this Post

Login to comment
No Comments