Mipui hmaah Jenner inlan leh tawh

American reality television star Kylie Jenner chuan February 1 khan fanu a hring a, ni tam pawh a la liam hmain mipui hmaah a inlan leh der tawh. 

Kum 20 mi hi kar kalta Inrinni khan Los Angeles kawtthlerah a ṭhian hnai tak Jordyn Woods nen an inzui hmuh a ni. Milar tih takah ngaihven a hlawh bawk a, a fa hmasa ber a hrin hnu lawka a pawn chhuak hmuh tur awm hian sawi zui a hlawh hle. Paparazzi-te chuan a thlalak an lo nei leh hman pek tawh a, a inchei dan pawh an khel zui viau bawk. Kylie hian sumdawnna lam a buaipui niin an sawi bawk. 

Kylie leh a bialpa American rapper Travis Scott-te fa neih chungchangah hian sawi neuh neuh a tam viau bawk a, a bialpa hlui Tyga ṭawngchhuah vang a ni pakhat. Tyga hian DNA test neih a duh thu te pawh a sawi chhuak hial. Jenner-i'n nau a pai thu puanzar a nih aṭang tawh khan khualthuthang a tam a, awih ber tur pawh hriat harsa tak a ni. 



Share this Post

Login to comment
No Comments