Harry Styles-a'n a in a zuar leh tawh!

One Direction star Harry Styles chuan Los Angeles-a a chenna in chu a zuar leh tawh a, a hma aia tlawmin a zuar!

Harry hian a in hi nikum June thla khan a lo zuar tawh a, £mtd 6.6 a chhiar. Mahse a chhiarna zat anga lei ngam an awm lo a, tunah chuan a man hi £mtd 5.9-ah tihniamin zuar leh ta a ni. A in zawrh lai hi January 2016-a a lei kha niin, swimming pool, gym, screening room leh master kitchen felfai tak a awm. Mahse he hmunah hian inbenbel a tum lo a, New York khwpuiah khawsak a duh zawk nia tarlan a ni. New York-ah hian in pawh a lei leh tawh a, LA lam chhuahsan hlen a tum niin a ngaih theih. Hetih lai hian English singer hian US-ah pem hlen a tum lo nia sawi a awm a, a chhan pawh ei leh inah harsatna a nei a ni awm e. Harry hian British thil siam a ngaina hle a, a pemsan phal lo an ti. Tour neia an zinchhuah chang pawhin London lama kir thuai a chak ṭhin nia sawi a awm leh zel bawk. Hetih lai hian a bandmate Louis Tomlinson, Liam Payne, Niall Horan leh Zayn Malik-te chuan North America lam hi nuam anti viau thung a ni. 



Share this Post

Login to comment
No Comments