Metallica bassist Cliff Burton pualin hun hmang

February 10 kha American heavy metal band Metallica-a an bassist ṭhin Cliff Burton  piancham pha phak a ni a, hemi pual hian hun hman a ni. 

Cliff Burton hi September 27, 1986 khan Sweeden-a bus accident-ah a thi a, hetih lai hian kum mi 24 chauh a la ni. Metallica band-ah hian bassist niin, an album hmasa lamah khan a thawh hlawk ber pawl a ni nghe nghe. Amah hi Castro Valley, Oakland-a piang leh seilian a ni a, kum 56 a tlin denchhenin he hmunah ngei hian a pualin hriatrengna hun buatsaih a ni ta a ni. Metallica chuan an member hlui Burton hi an rilruah a thi ngai dawn lo tih sawiin, a piancham a lo thlen hian a kalsan tak a chhungte an tawrhpui thu an tarlang. 

Metallica hi khawvela metal band lar ber pawl niin, tun thlenga mi tam tak band duh ber an la ni. Burton pianchamah pawh hian Pala Alpitour, Italy-ah concert an nei a, an concert hi a puala an hlan thu an sawi. Band member-te chuan Burton an ui thu hi social media lamah pawh an tarlang nasa hle a ni. 



Share this Post

Login to comment
No Comments