Hontrade Ṭhazual Fakna Cindy, Arini leh Mapuii te hun a thleng ta

Hontrade Ṭhazual Fakna chart-ah Cindy, Arini leh Mapuii te chuan pakhatna an hauh a, dinhmunnsang ber an luah ṭum khatna a ni. 

Chart-ah hian 'An fak ning lawng' tih hla hmangin pakhatna an hauh a, engchen nge he dinhmun hi an luah theih dawn tih chu a thlangtu mipuite kutah a innghat a ni. Cindy, Arini leh Mapuii te zai hian thlan a hlawh a, chart-ah pawh an lang zing malh malh hle. Hetih rual hian dinhmun sang ber luah tura an kawng zawh a nep lo a, zawi zawia hmasawnin tun hi an thleng ta a ni. 

Chart hmasa lama pakhatna luahtu Jennie Lalruatfeli chu pahnihna a ni ve thung a, a hla 'Ka thinlung lawmna' tih chuan thlan a hlawh zui zel. Pathum-naah hian Lalnunpuii Kawlni chu awmin, a hnuaiah hian Aizawl Venglai KṬP te an awm. Lalnunpui ang tho hian KṬP Mika Group-te pawh hi chart-ah hian an lang rei ta viau mai. Ṭhauzual Award 2017-a Best Male Artist (Gospel) atana thlan Sawmtea chuan 'I fak zel ang' tih hla hmangin top 5 a khar. 

Top 10-ah hian Mizo mipa zaithiam C.Sanga hriatrengna puala Music Domain Mizoram (MDM) artist ṭhenkhatten an sak 'I chakna ringin' tih chu a vawi khat nan a lang bawk. He hla hi C.Sanga phuah a ni nghe nghe a, a ma pualin Various Artists-ten an sa ta a ni. Tlangzarhna a la rei lo a, thlan a hlawh chho zui viau a nih pawhin a mak lo ang. R. Lalrinmawii (Arini), Lalhmangaihzuali (Nunui), Vanlalruata leh Esther Khiangte te an lang ve bawk. 

1. Cindy, Arini, Mapuii - An fak ning lawng

2. Jennie Lalruatfeli - Ka thinlung lawmna

3. Lalnunpuii Kawlni - Ka enna

4. Aizawl Venglai KṬP, Mika Group - Krawsah chuan famkim I ni

5. Sawmtea - I fak zel ang

6. R. Lalrinmawii - Krawsah khan 

7. Lalhmangaihzuali (Nunui) - Min kian san suh

8. Various Artists - I chakna ringin

9. Vanlalruata - Ka lawm e

10. Esther Khiangte - Thlaler Tuivalawng



Share this Post

Login to comment
No Comments