Avengers chhuak leh tur a hmuhnawm dawn

American superhero film 'Avengers' chu kum 2019-ah a chhuak leh dawn a, a hma amite ang bawkin a hmuhnawm leh hle tura ngaih a ni. Avengers chhuak leh tur hi a palina tur a ni tawh a, film title tur erawh tarlan a la ni lo. 

Tun hnai khan Avengers chhuak leh tura shooting an neih tawh ṭhenkhatte chu a vuak hot nan tlangzarh a lo ni tawh a, ngaihven pawh a hlawh nghal viau. Shooting hi Atlanta, Georgia-ah neih a ni a, Robert Downey Jr, Chris Evans, Paul Rudd leh Mark Ruffalo-te chu a changtu zingah an tel leh dawn a ni. Evans leh Rudd-te chu an superhero thuam famkim nen an inlan leh dawn a, 'Captain America' star Evans che vel hi a hmuhnawm leh pek viau in a rinawm. Tom Hiddleston leh Chris Hemsworth-te pawh an inlan dawn a ni.  Avengers film hi pathum - Avengers : Infinity War, Marvel's The Avengers leh Avengers: Age of Ultron-te a lo chhuak tawh a, tun ṭuma chhuak leh tur hi nakkum May thlaa tlangzarh tura ruahman a ni. 



Share this Post

Login to comment
No Comments