MTV Europe Music Awards sem

MTV Europe Music Awards 2017 chu Pathianni khan London-ah sem a ni a, a award semna hi The SSE Arena, Wembley-ah neih a ni. 

MTV EMAs-ah hian zaithiam tel an ṭhahnem hle a, Eminem pawh mipui hmaah a inlan a, tun hnaia boruak nei lian tak, Taylor Swift erawh a inlan lo thung. Taylor Swift chu award dawng thei turin category paruk zetah a hming chhawpchhuah a ni 

Shawn Mendes chu a langsar ber tih ngam a ni a, best artist, best fans award hlan a ni a, hei bakah hian a hla "There's Nothing Holdin' Me Back" chu best song atan thlan a ni. Best artist atana hming chhawpchhuahte hi an hrawl hlawm hle a, Ed Sheeran, Taylor Swift  leh Miley Cyrus te an ni nawk a, anni kara award lo dawng thei nih chu inchhuanna tham a tling. Kum 19 mi lek Shawn Mendes chuan, "Ka tan chuan chawimawina ropui tak a ni, vawiin ni hi ka hre reng tawh ang ang" a ti. Mendes hi kum 20 hnuai lam zinga Billboard's Adult Contemporary chart-a No. 1 ṭum thum hauh thei awmchhun a lo ni tawh bawk. 

MTV Awards semnaah hian Eminem a perform a, 'Walk on Water' a sa. A ni hian lawm a hlawh hle a, hun eng emaw chen mipui hmaah a inlan tawh loh vangin amah pawh a phur hle tih a hriat. Liam Payne pawh perform zingah a tel a, Camila Cabello chuan a hla hit 'Havana' a thawhchhuahpui a, lawm a hlawh hle. Demi Lovato chuan 'Sorry Not Sorry' sain, Stormzy pawhin 'Big For Your Boots' a sa bawk. 

Show-a lawm hlawh ber pakhat chu Rita Ora a ni.  Ani hian thiam tak maiin 'Your Song' a sa a, Shawn Mendes chuan a hla thul khung "There's Nothing Holdin' Me Back" chu thiam tak maiin a sa bawk. Mendes hian stage-a  awm chhung zawngin lawm a hlawh a, mipui thawm a ring ṭhin hle. 

Clean Bandit, Zara Larsson, French Montana, Travis Scott, The Killers leh Kesha te pawh perform zingah an tel a, David Guetta, Charli XCX, French Montana leh Afrojack te chuan 'Dirty Sexy Money' tih hla an sa bawk. U2 pawh dawhsan lawn zingah an tel. 

MTV EMAs show hi kum 1996 khan London khawpui hian a lo thleng tawh a, kuminah a vawi hnihna atan a thleng leh ta ni. 

MTV EMAs 2017 WINNERS LIST

Global Icon: U2 

Best Song: Shawn Mendes, "There's Nothing Holdin' Me Back" 

Best Artist: Shawn Mendes 

Best Look: Zayn

Best New: Dua Lipa 

Best Pop: Camila Cabello 

Best Video: Kendrick Lamar, "HUMBLE." 

Best Live: Ed Sheeran 

Best Electronic: David Guetta 

Best Rock: Coldplay 

Best Hip-Hop: Eminem 

Best Alternative: Thirty Seconds to Mars 

Biggest Fans: Shawn Mendes

Best Push: Hailee Steinfeld 

Best World Stage: The Chainsmokers, Live From Isle of MTV Malta 2017

Power of Music: Rita Ora



Share this Post

Login to comment
No Comments