Aizawl-ah India's Big Super Star audition nei dawn

Reality Show 'India's Big Super Star' neih turah tun kar Inrinni hian Aizawl-ah audition neih a ni dawn. 

Audition hi Chanmari YMA Hall-ah zing dar 9:00 aṭangin ṭan a ni dawn a, a tel duhte chu 

a hmunah kal tawp mai tur a ni. Selection round paltlangte chuan form an fill up thei ang a, final round hmachhawn turin an tel chhunzawm theih ang. A telte hi certificate pek vek an ni dawn bawk. 

BCV Pvt. Ltd. leh India's Big Superstar, Aizawl Audition hotute chuan nimin khan Aizawl Press Club-ah thuthar thehdarhtute kawmin, India's Big 

Superstar buatsaih dan tur leh buatsaih a nih chhan an sawifiah. 

Audition-ah hian kum 10-30 inkar tel theih a ni a, a tel duh chuan October 14, zing dar 9-ah Chanmari YMA Hall-ah 

registration tih tur a ni. Aizawl Audition-ah hian mi 20-40 vel an tling dawn a, heng mite hian mahni sum sengin Guwahati-ah inelna an hmachhawn leh thei ang. 

Heta tlingte hi BCV Pvt. Ltd. sum hmangin Delhi-a inelna hmachhawn leh tura tirh leh an ni dawn a, heta tlingte chu grand finale hmachhawn turin 

Mumbai-ah tirh an ni ang a, an senso pawh tum sak vek an ni ang. Grand Finale-a tlingte hi a huaihawttu Company, BCV Entertainment chuan kum thum chhung contract an sign pui dawn a ni. 

He intihsiaknaa tel tur hian Hindi emaw English thiam kher a ngai lova; Mizo tawng pawh a leng vek dawn a ni. A tel tur tan Mizo hla pawh a sak theih tihna a nih chu. Mizoram aṭang hian pakhat chauh thlan tlin tur tihna a ni lova, a tlem berah pawh mi 20 thlanchhuah zawk tur a ni. BCV Entertainment hian India hmarchhak-a ṭhalai talent nei ṭhate promote chu a tum ber a ni. Grand Finale-a judge tur zingah pawh hian company lam chuan Mizo an ruat tel nia tarlan a ni. 

He reality show hi kan hriatthiam dan tur chuan, American Got Talent ang tur a ni a, 

mal zai emaw lam bakah, zaipawl, group dance, lemchan(acting), rimawi tumte pawh a leng vek a ni. 

India's Big Superstar hrechiang duh tan leh a huaihawttu Company BCV Entertainment belchiang duh tan, website - www.indiasbigsuperstar.com

 leh Facebook Page - http://fb.com/ibs.show ahte en theih a ni. 



Share this Post

Login to comment
No Comments