Kesha nun chhantu a album thar

Kesha chuan a album thar tur ‘Rainbow’ hi a hlut hle dawn tih a lang sa. A chianna pakhatna chu amah ngeiin he album hi a nun chhanhimtu a ni a ti.

Kesha harsatna tawh thu hi kan ziak fo tawh a, Dr. Luke-a hnuaia a awm lai, an thawhdun laiin Dr. Luke hian mawi lo takin khawiha tihchhiat a tum ṭhin niin Kesha hian a sawi a, court-ah pawh an inkhing nasa a nih kha. Hetiang vela a nun a hman chhoh a, a nuna hun harsa ber a thlen laia nun thar petu chu a album ‘Rainbow’ hi a ni.

Kesha chuan, “He record hian nun pangngai min pe let a ni. Rawng chi hrang hrang hian beiseina a entir a, rawng êngah hian a ni beisei ka hmuh ṭhin, chu êng chu ka ni tin nunah hian tam lehzual luhtir ka duh a ni,” tiin, a nuna harsatna leh, a album thar hminga ‘Rainbow’ a vuahna chhan a sawi. He album hma hruai atan hian thla hlui khan Kesha chuan a album-a mi hla ‘Praying’ chu single-in a tichhuak. He album-a awm hla tinte hian a tan chuan mimal thil, a harsatna paltlang tura puitu an ni vek.



Share this Post

Login to comment
No Comments