1 D zingah Niall Horan a lar ber

One Direction member zingah rau rau pawh Niall Horan hi a lar ber a nih hi maw. Twitter-a follower ngah hi lar leh lar loh tehna bera kan hmang a nih chuan One Direction member zingah Niall Horan hi a lar ber kan ti thei ang.

Irish mi, kum 23 mi, Niall Horan hian Twitter-ah follower maktaduai 30.9 a nei a, a ṭhian dangten an tluk lo hle. Amaherawhchu a lar ber tia kan sawi rual hian awmze dang a nei a, chu chu lar leh lar loh lam ai mahin Niall Horan hi Twitter-ah a active ber tihna a ni thei bawk.

Harry Styles chu follower ngah ber dawttu a ni a, maktaduai 30.8 a nei a, Niall ai hian nuai khat velin follower a nei tlem zawk. Louis Tomlinson chu midangte aiin a ngah leh hret a, follower maktaduai 25.2 a nei a, Liam Payne chuan dawtin, follower hi maktaduai 25.1 a nei. An member ṭhin Zayn Malik chuan maktaduai 22.2 follower a nei.

Instagram lamah e­rawh a dan a dang leh hlek. Instagram-a an zinga lar ber chu Zayn Ma­lik a ni daih. Twitter-a fol­lower nei tlem ber Zayn hian IG-ah thung chuan follower makta­duai 23 a nei a, Niall Horan hian maktaduai 19.5 lai follower a nei. Harry Styles chu Zayn Malik hnaih bertu a ni a, follower maktaduai 21.2 a nei a, Liam-a’n maktaduai 13.7 a nei a, Louis Tomlinson-a’n maktaduai 13.3 a nei.



Share this Post

Login to comment
No Comments