Constitution Day hman a ni

Nimin khan Mizoram University-a thawkte leh zirlaite'n Constitution Day an hmang a; Border Security Force (BSF) 131 battalion-te'n Mélte-a an hmunah an hmang bawk.

MZU-a Constitution Day hmanna hi IQAC director Prof. J Doungel-a'n a kaihruai a, a huhoin Indian Constitution-a Preamble chhiar chhuah a ni. Resource person School of Social Sciences dean Prof. Lalrintluanga'n 'Fundamental Duties' tih thupui a sawi.

Constitution Day hi Meltea awm 131 BSF chuan an hmunah an hmang a; mi 51 telin, Preamble an sawi rual. 131 BSF mi leh sa, ramria duty mek mi 138-te'n an hmang bawk.

Samvidhan Diwas tia an sawi bawk ṭhin Constitution Day hi kum tin November 26-ah hman ṭhin a ni. Indian Constitution hi Novenber 26, 1949-ah pawm a ni a, January 26, 1950-ah hman ṭan a ni. Dr Bhim Rao Ambedkar chu Father of Indian Constitution tih a ni.