Tun thla tawpah British GP dinhmun chiang ang
Silverstone leh Formula 1 te chuan April thla tawp hian British Grand Prix an kalpui dan tur an ti chiang dawn tih an sawi a, tuna a lan dan chuan ṭhulh emaw a hun sawn emaw a nih hmel.
Coronavirus vangin thla hmasa aṭanga tlan ṭan tur formula 1 an la tlan thei rih lo a, July 17-19 chhunga neih tur British Grand Prix pawh dinhmun chiri takah a ding mek a ni.
British GP an tlanna hmun neitu Silverstone leh F1 chuan thuchhuah inṭawm siamin, "Thutlukna siam turin April thla tawp thleng kan nei, tah chuan engkim a chiang ang.
"Inelna neih ngei kan duh a, chumi aia pawimawh zawk chu mipui hriselna leh himna a ni," an ti. Britain rama tennis inelna lian berWimbledon an ṭhulh avangin car intlansiakna pawh an neih a rinawm ta lo.