Serie A hmahruaitu Lazio

Zirtawpni zan Serie A inkhelah Lazio chuan Luis Alberto leh Joaquin Correa te goal hmangin Bologna 2-0 in an hneh a, match 26 aṭanga point 62 hmuin Italian football inelna sang berah hmahruaitu an ni.

Lazio hian 2000 khan league nomawi an chawi, hun rei tak chhung Serie A title an beisei ngam loh hnuah an dinhmun an siamṭha leh tawh. Simone Inzaghi naute hi champion lai Juventus lakah point hnihin an sang mek.

Pathianni zan khan Juventus leh Inter Milan te chu fans awm loa inkhel tura tih an ni, mahse thuneitu lamin an thutlukna siam danglam lehin a hun an sawnsak ta zawk - May 13, Nilaini zanah an inkhel ang. May 13 hi Coppa Italia final khelh ni tura ruat tawh a ni, league match khelh hun atan an ruat takah chuan Coppa Italia hmawr bawkna hi May 20, Nilainiah neih thung a ni dawn.