April thlaa buhfai sem tur nei lote hrem an ni dawn
Lawngtlai district mipuite'n ei leh bara harsatna an tawh loh nan Lawngtlai DC Shashanka Ala chuan nimin khan Lawngtlai district-a FCSCA officer (DCSO) leh fair price shop dealer (retailer)-te zawm tur thupek a chhuah a; April thla quota chu retailer tinah mipuia sem tur a awm ngei tur a ni a, sem tur nei lo retailer-te chu hrem an nih tur thu a hriattir.
DC thupek chuan, retailer-te'n Supply kudam aṭangin buhfai April thla quota an la vek tur a ni a, DCSO-te’n an enpui ang; la lo an awm chuan dan anga hrem tur an ni.