Online-in zirna chhunzawm

Covid-19 léng vanga lockdown puan a nih avangin Mizoram University leh Pachhunga University College zirtirtute chu online-a zir lai zirtir theih dan buatsaih tura hriattir an ni a; zirtirtu eng emaw zatin an tihlawhtling mek zel.

Online hmanga zirna (e-learning) hmanraw hrang hrang - Google classroom, ZOOM, slack leh microsoft team hmangtein zirna kalpui a ni. MZU PRO Marina Ch. Ralte-in a tarlan danin, online learning portal-te chu MZU tan https://lms.mzu.edu.in leh PUC tan https://puclms.mzu.edu.in siam a ni tawh. 

Tun thlengin zirlai 2,100-in online education system hi an hmang ṭangkai tawh.