Goal nga chhuahtu NorthEast United

Khalid Jamil-a enkawl NorthEast United-in coach Robert Jarni an ban hnuah pawh an beisei ang result an hlawh chhuak thei lo a, Ningani zan Indian Super League inkhelah Hyderabad chu 5-1 in an ngam lo. 

Guwahati club-in hliam leh hrem vangin players pawimawh chhawr theih loh an nei nual a, Aizawl FC boss hlui Jamil-a'n a squad neihsa en chhin nan a hmang. 

ISL club thar Hyderabad-in he hun remchang hi lain an theihna pholanna hun atan an hmang thung a, Liston Colaco chuan goal hnih khungin Marcelinho leh Mohammed Yasir ten goal khat ve ve an 

khung thung. 

Irish striker Andy Keogh chuan NorthEast tan goal khat a khung ve bawk a, Republic of Ireland international hlui goal khung erawh danglamna thlentu ni loin mualpho zualpui khuhna chauh a ni. 

NorthEast United tan season duhawm tak a hman avanga ngaihven hlawh Lalengmawia leh Lalrempuia Fanai ten inkhel bul an ṭan a, K. Lalṭhathanga'n bench lamah hun a hmang thung - Hyderabad tan R. Laldanmawia chu bench lamah a awm bawk.