Twitter-ah Gaga aiin Perry a lar zawk

Social networking sites hova lar hi tunlai khawvelah chuan a ṭangkai ta viau mai a, zaithiam leh milarte inelna pakhat a tling chho mek. Khawthlang rama social networking site hrang hrang zinga an hmanlar em em, Twitter-ah Lady Gaga hmahruaina a tawp a, tunah chuan Katy Perry hi follower ngah ber a ni ta.

Kumin January thla thleng khan Justin Bieber hi Twitter-a follower ngah ber ṭhin a ni a, mahse Lady Gaga-in a rawn khum a. Lady Gaga hi tunah chuan Katy Perry'n a rawn khum veleh ta a ni.

Justin Bieber hian Twitter-ah follower maktaduai 33.3 a nei a, Lady Gaga hian maktaduai 40.39 neiin, Katy Perry hian maktaduai 46.5 a nei ta a. Lady Gaga ai hian mi sing khatin follower a ngah tawh zawk a ni.

Facebook lamah chuan Lady Gaga hi a la chungnung a. A page like-tu hi maktaduai 60.35 an tling tawh a ni.

Katy Perry tan kumin hi kum ṭhat kum  ani ber a. A album thar ber PRISM chu Billboard 200 chart-ah pakhatna a rawn ni a. Hetihlai hian Australia lamah chuan a album hi mihring leh environment tan a ṭha lo niin thuneitute chuan an puang thung a. PRISM album-ah hian thlai chi (seed) a fûn tel a ni ang, hei hi an sawisel chhan ber a ni.



Share this Post

Login to comment
No Comments