Lalnunsanga'n fiamthu a thiam ber
Thla khat vel Zoram pum kan hlima kan nuih dur dur hnuah Zoram mipuite hriselna atana mi tihlim thiam berah Lalnunsanga, Kanan chu thlan chhuah a ni ta.

LPS Comedian Search chu Inrinni zan khan zawh a ni ta a, Lalnunsanga'n hlutpuitu a ngah a, amaherawhchu Zoram mipuitena en an nghahhlelh ṭhin Comedian Search a zo ta mai a, a khawharthlak ang. Kumthar lam nghah leh ṭang ṭang a ngai dawn a ni.

Lalnunsanga chu fiamthu thiam bera thlan a ni a, Khawbel chhuak Albert Vanlalchhanchhuaha chu pahnihna niin, Lalthantluanga, Armed Veng; Zoremmawia, Mamit leh Laljoela, West phaileng te chu pathumna an ni. Comedian search 2013-a pakhatna Lalnunsanga hian trophy leh prize money bakah Rodeo scooty, Samsung 3:16 plan solution aṭangin flat TV, RC Enterprise Whirlpool aṭangin Washing machine, LG D3 Business Enterprise aṭangin exide inverter a dawng bawk leh mi thilphal leh duhsaktute thilpek ṭhahnem tak a dawng bawk.

Pahnihna hian Microwave oven leh exide inverter a dawng a. Pathumna chuan Onida TV leh exide inverter a dawng bawk. Top 5 chinin exide inverter an dawng vek a ni.

Kumin hian judge bench-ah Stephen Auhmun, Harry Khiangte, Mafaa Hauhnar te an ṭhu a, Lalhruaitluanga Chawngte erawh kan hmu lo. Participant an ṭha a, FB, SMS leh internet hrang hrangah fiamthu a lar em emna Zoramah fiamthu tharlam leh common lo tak tak sawi tur an hre reng thei.


Share this Post

Login to comment
No Comments