PM-in vote thlak turin ngen

Prime Minister Narendra Modi chuan Lok Sabha inthlanpui lo awm turah India ram democracy chak leh nghet zawk siamna turin vote nei chinte chu vote thlak vek turin a ngen. 

PM Modi chuan a blog-ah he thu hi ziakin, vote nei, a bikin kum la naupang zawkte chu voter an nih anga an tih tur, vote thlak ngei turin a ngen a, sorkar nghet leh chak thlangchhuak turin a chah. PM hian 'Four requests for a stronger democracy' tih thupui hmangin  ngenna hi a siam a, eptu hruaitute pawh an awmna bialah ṭheuh mipuite chu a tam thei ang ber vote thlak tura fuih turin a ngen bawk a, eptu hruaitu hrang hrangte hming pawh a ziaklang a ni. 

Modi hian ngenna pali siamin, voter-te chu in register a, an vote thlakna tur bialah an hmingte enfiah hmasa a, an vote thlak hun tur pawh ruahman lawk vek tur leh, midangte pawh vote thlak tura fuih turin a chah. 

"Thla khat pawh tling loah inthlanpui thawh hmasa ber kan hmachhawn tawh dawn a, vote thlak hi kan mawhphurhna a ni. Vote thlak hi ram hmasawnna tura tha thawh kan duh ve zia lantirna a ni" tiin, PM chuan vote thlak chu ram mipui mitinte mawhphurhna leh tihtur pawimawh a nih thu a sawi. 



Share this Post

Login to comment
No Comments