IAF pilot poster hman vangin BJP MLA show-cause notice pe

Election Commision chuan Delhi BJP MLA Om Prakash Shamra chu a Facebook-ah ama thlalak, Prime Minister Narendra Modi leh IAF Wing Commander Abhinandan Varthaman-te lanna poster a dah avangin show-cause notice a pe. 

EC chuan BJP MLA hnenah hian a thil post hi dahbo nghal tura hriattirin, he thil a post chungchangah vawiin hian insawifiah turin a hriattir bawk. 

Heng poster-te hi March 1 khan social media-ah Sharma hian a dahchhuak a ni. A poster dahah hian 'Pakistan chu a tlawm a,  kan sipai huaisen chu a lo kir leh ta. Hun reilote chhunga Modi-an Abhinandan a hruai kir thei hi hnehna ropui tak a ni' tih thu a ziak tel a ni. He thil a post vang hian insawifiah tura koh a ni ta a ni. 

Shahdara District Magistrate KM Mahesh chuan Sharma hi March 11 khan show-cause notice pek a nih thu a sawi a, kum 2013 December thla khan Election Commission chuan  political party zawng zawngte hnenah lehkha thawnin, inthlan campaign-naah armed force chungchang chu hmang lo leh sawilang lo turin a lo ti tawh a ni. 



Share this Post

Login to comment
No Comments