PM Modi-an Congress thawhpui vangin Naidu sawisel

Prime Minister Narendra Modi chuan Andhra Pradesh Chief Minister Chandrababu Naidu chu Congress party a thawhpui avangin a sawisel a, a puzawn CM hlui NT Rama Rao-an Congress awm lohna AP din tuma party, Telegu Desam Party (TDP) a dinna chhan chu phatsanah a puh. 

Nimina AP-a rally a neihah PM Modi chuan a kaihhrruai sorkarin Andhra pradesh tan chuan thil ṭha tak tak pe mah se, Naidu chuan heng fund-te hi a hmanna tur dik takah a hmang lo a, state tan hmasawnna pawh a thlen thei lo a ni, a ti. Naidu chu amah aia senior ni mah se, a senior-na chu inthlana chak loh zatah te, thawhpui thlak kualah leh a puzawn duhdan thlauhthlakah chiah a ni, tiin a sawi. 

AP CM Naidu hian BJP kaihhruai NDA sorkarin an state tan special status a pek duh loh avangin BJP nena an thawhdunna titawpin, NDA aṭangin TDP chu a inhnuhdawk tawh a ni. PM-in an state a tlawh pawh hian TDP worker ṭhenkhat chuan lungawi lohna an lo lantir a ni.



Share this Post

Login to comment
No Comments