UP CM-in Hyderabad khaw hming thlak tiam

Uttar Pradesh Chief Minister Yogi Adityanath chuan vawiin-a assembly inthlanna neihna tur, Telangana state-ah BJP an chak chuan Hydebarad khaw hming chu Bhagyanagar tia thlak a tiam a, Karimnagar district pawh Karipuram tia thlak a tiam bawk. 

Yogi Adityanath hi Telangana-ah hian BJP tan a campaign a, Nilaini-a Karimnagar-a rally a neihnaah Hyderabad leh Karimnagar hming thlak hi a tiam a ni. UP CM chuan Uttar Pradesh-ah Faizabad hming Ayodhya tih leh, Allahabad hming Prayagraj tia an lo thlak tawh angin, BJP in sorkarna a chan chuan Telangana mipuite duhdan angin khaw hming hi thlak a ni dawn tih a sawi a ni. 

UP-a Yogi Adityanath kaihhruai BJP sorkar a din hnu hian khawpui leh district hming eng emaw zat thlak a ni tawh a, hei bakah hian Mughalsarai railway junction pawh Pandit Deen Dayal Upadhyaya junction tia thlak a ni. Airport, bus stand leh khawpui ṭhenkhat hming pawh thlak tura rawtna a awm mek bawk. 



Share this Post

Login to comment
No Comments