PM-in Dec 25-ah Bogibeel Bridge hawng dawn

Prime Minister Narendra Modi chuan December 25 hian ramchhunga rail-road bridge thui ber, Bogibeel Bridge a hawng dawn. 

Bogibeel Bridge hi Assam khawchhak lama Brahmaputra hmar leh chhim lam leh Arunachal Pradesh inkalpawhna tura dawh a ni a, lei hi km 4.94 a thui a ni. 

Railway official chuan he lei hi Good Governance Day, December 25-ah PM hian a hawng dawn tih a sawi.

He lei dawhna tur lungphum hi prime minister hlui HD Deve Gowda khan kum 1997, January thla khan a phum a, kum 2002 April thla khan hna thawh ṭan niin hetihlai PM Atal Bihari Vajpayee chuan hna thawh ṭanna tur hi a lo hawng tawh bawk a ni. 

Lei dawh hna hi kum 16 chhung thawh niin, a zawh fel hun tura tih pawh ṭum eng emaw zat sawn a ni. December 3 khan a vawikhatna turin bungraw phur rel tlantir chhin a ni. 



Share this Post

Login to comment
No Comments