Maneka Gandh-in Maha CM hnenah a minister ban turin ngen

Union Minister Maneka Gandhi chuan Maharashtra Chief Minister Devendra Fadnavis hnenah sakei nu Avni tihhlum a nih chungchangah state Environment Minister Sudhir Mugatiwar chu ban turin a ngen. 

Maneka chuan CM Fadnavis-a hnena lehkha a thawnah, dik lo taka sakei nu kahhlum a nih chungchangah Mugantiwar chu state sorkar hnuaia enviroment and forest ministry changtu a nihna aṭanga ban turin a ti.

Sakei nu Avni kahhlum a nih chungchang hian sawizui a hlawh hle. He sakei nu hi kum hnih chhunga mi 13 sehhlumtu nia ngaih a ni a, kar kalta Zirtawpni khan state sorkar hriatpuiaa zawn a nih hnuah Yavatmal ramhnuaiah kahhlum a ni. Avni hian a no thla 10-a upa pahnih a thihsan a ni. Maharashtra sorkar chu Avni kahhlum phalna thupek a tihchhuah avangin social media lamah pawh sawisel a tawk nasa hle. 



Share this Post

Login to comment
No Comments