PM Modi-an sipaite bulah Diwali hmang

Prime Minister Narendra Modi chuan nimin khan Uttarakhand-a India-China border bul Harsil-ah Indian Army leh Indo-Tibetan Border Police (ITBP) te Diwali a hmanpui a, sipaite hi sweets a sem bawk. 

PM chuan sipaite chu duhsakna hlanin, hmun vawt leh sang taka ram venhim hna thawk tura an inpekna chu India ram tichaktu, ram himna siamtu leh India ram mi vaibelchhe 125 te beiseina siamsak theitu a ni tih a sawi. Diwali chu eng kut a nih angin, ṭhatna eng thehdarhin hlauhna te a titlawm a ni, a ti. Sipaite inpekna leh inthununna ṭha tak chuan mipuite rilruah himna leh huaisenna te a thehdarh tih a sawi bawk. 

Modi chuan Gujarat chief minister a nih lai aṭangin Diwali-ah chuan sipaite a tlawh ṭhin tih a sawi a, Kailsah Mansarovar Yatra laiin ITBP sipaite pawh hun a lo hmapui tawh thu a sawi. 

Prime Minister chuan India chuan defence sector lamah hma a sawn hle tih a sawi a, ex-servicemen te  hamṭhatna tura hmalakna hrang hrangte a sawi lang bawk a, heng zingah hian  ‘one rank, one pension’ (OROP) a taka kalpui a nih thute a sawi. 

PM hian sipaite sweets a sem hnuah Diwali chibai buk tuma a chhehvel biala mipui pungkhawmte hun a hmanpui zui bawk. 

Harshil hi Uttarkashi district-a India-China border-a awm niin, a awmna hmun hi feet 7,860 zeta sang a ni. PM hian nimin vek khan Kedarnath tlawhin, Kedarpuri-a reconstruction project kalpui dante a enpui nghal bawk.

President Ram Nath Kovind leh Prime Minister-te chuan  nimin khan an twitter kaltlangin Diwali pualin ram mipuite duhsakna an hlan a ni. 

Nimina Diwali festival pual hian Punjab-a Attar-Wagah border-a venhimn hna thawktu, Border Security Force (BSF) leh Pakistan Rangers-te chuan duhsakna inhlanin sweets an inpe. BS leh Pakistan Rangers-te hian Wagah border-ah hian hun pawimawhah chuan sweets an inlo inhlan fo ṭhin a ni. Mahse kumin Republic Day-ah kha chuan ramri-a inkahhai palzut a nih fo vanga boruak a ṭhat loh chhoh avangin sweets hi an inhlan lo a ni. 



Share this Post

Login to comment
No Comments