Bhilai Steel Plant CEO ban, official pahnih suspend

Chhattisgarh-ah Thawhlehni-a Bhilai Steel Plant-a gas pipeline puak vanga mi 11 an thih hnuah, nimin khan he plant-a Chief Executive Officer (CEO) M Ravi chu ban nghal niin, senior official pahnih suspend an ni bawk. 

Union steel minister Chaudhary Birender Singh chuan Bhilai khuaa Jawahar Lal Nehru Hospital-a hliam tuarte a tlawh hnuah official te hrem an nih thu hi a puang a ni. Thawhlehni khan gas pipeline puak vang hian mi pakua an thi a, mi  14 in hliam an tuar. Hliam tuarte hi damdawi-inah kalpui nghal niin Thawhlehni zan khan pahnih chu an hliam tuar loin an thi ve leh a ni. Union minister chuan gas pipeline puah dan chhui chiang tur hian member pali awmna high-level committee pawh din nghal a nih thu a sawi. 



Share this Post

Login to comment
No Comments