Tax official-ten Delhi Minister Gahlot-a nena inzawmna nei hmun 16 dap

Income Tax department chuan nimin khan chhiah awlrua puh, Delhi Transport minister Kailash Gahlot nena inzawmna neia hmun 16 an dap. 

Official-te chuan Minister kaihhnawih hmun hrang hrang dap a nihna chhan hi minister nena inzawmna nei contrucstion firm pahnihte chhiah awlrua puh an nih vang tih an sawi. Delhi khawpui leh a chhehvela hmun 16 dap tur hian tax department official 30 awmna team tirh an ni. 

Delhi Chief Minister Arvind Kejriwal-a chu Income Tax Department-in a minister nena inzawmna nei  hmun hrang hrang dap a nih chungchangah a lungawi lo hle. Prime Minister Narendra Modi-a chu Delhi sorkar tihbuai tum rengah puhin thupha chawi turin a phut. Midang inte a dap kual leh hmain Delhi mipuite hnenah an aiawh tura an thlan sorkar an tihbuai reng vangin ngaihdam a dil tur a ni, a ti. 



Share this Post

Login to comment
No Comments