Rashtrapati Bhawan-ah SKorea president lawmna hun buatsaih

India rama cham mek, South Korea President Moon Jae-in pualin nimin khan Rashtrapati Bhawan-ah a lawmna buatsaih a ni. President Moon hi a nupui Kim Jung-sook-in a rawn ṭawiawm a ni. 

Rashtrapati Bhawan-a lawmna hun buatsaih hnuah South Korea President hian President Ram Nath Kovind leh a nupui Savita Kovind, Prime Minister Narendra Modi leh official dangte a hmu nghal a ni. 

PM Modi leh President Moon-te hian nimin khan Hyderabad House-ah meeting an nei nghal a, chaw chhun an kil dun bawk. Hruaitu pahnihte hian India-South Korea CEO roundtable-ah thu an sawi bawk a ni. 

South Korea president hi ni thum cham turin Pathianni khan Delhi a rawn thleng a, SKorea president a nih hnua India a rawn tlawhna hmasa ber a ni. Moon hi a cabinet-a senior member bakah official leh sumdawng aiawh eng emaw zatin an rawn zui. A cham chhung hian ram pahnihte hian thawhdunna tur inremna thuthlung eng emaw zat an ziah beisei a ni bawk. 



Share this Post

Login to comment
No Comments