Ruahsur nasain Mumbai tibuai chhunzawm zel

Mumbai khawpui chu ruahsur nasa in a tibuai chhunzawm zel a, nimin khan Virar leh Vasai station inkara Western Railway service chu tihtawp niin, Central Railway service pawh tihkhawtlai  a ni bawk. 

India Meteorological Department (IMD) chuan Ningani thlengin ruah hi a la sur chhunzawm zel dawn niin a sawi. Ruahsur hian vang hian Nallahsopara-a Western Railway kawng chu tuiin a chim a, tui level hi mm 200 vel a nih avangin khawpui chhunga rel service pawh a khaihlak phah a ni. 

Mumbai khawpui chhunga school principal-te pawh an school awmna dinhmun thlir a, a ṭul a nih chuan school khar mai turin Education Minister Vinod Tawde chuan a ti. 

Tui tling nasa vangin Vasai tawn-ah mi 300 vel chu an chenna inah an tangkhang a, tui tling a ziaawm deuh laia lakchhuah an tum chuan an lo duh lo niin official-te chuan an sawi. 



Share this Post

Login to comment
No Comments