Ex-Civil servant ten Jayant Sinha ban an phut

Mumbai police commissioner hlui Julio Ribeiro, chief information commissioner hlui Wajahat Habibullah leh bureaucrats hlui 41-te chuan tunhnaia mi sawisak hlumnaa inhnamhnawiha puha thiam loh chantir, mi pariatte chawimawina parṭhi a awrhtir avangin union minister Jayant Sinha chu ban an phut. 

Thuchhuah siamin ex-civil servant-te chuan Sinha chetdan hian hnam hnuaihnung leh tlem zawkte thah phalna a awm nia a tihlan thu sawiin, hetianga pawikhawihtute hi midangte pawhin sum leh thildang hmanga puih an inhuam zel phah a hlauhthawnawm niin an sawi. 

Sinha hian kar hmasa khan mi sawisak hlum chungchanga thiam loh chantir, bail-a chhuakte chu parṭhi a lo awrhtir a, a thiltih hian sawizui leh sawisel pawh a hlawh hle. 

Nikum June 29 khan Jharkhand-a Ramgarh police station hnuaia Bazaar Tand area-ah sa zuartu, Alimuddin Ansari chu a car-ah bawngsa a phur tel nia sawiin mipui thinrimin an sawisa hlum a ni. He pawikhawihna thlenga inhnamhnawiha puha thiam loh chantir mi 11 zinga mi pariatte chu kar hmasa kahn Jharkhand High Court chuan bail-in a chhuahtir a ni. 



Share this Post

Login to comment
No Comments