Sorkar hnathawk dope test paltlang lote ban an ni lo ang: Punjab CM

Punjab Chief Minister Captain Amarinder Singh chuan an state-a sorkar hnathawkte chu ruihhlo laka an fihlim leh fihlim loh fiahna dope test neih tir vek an ni dawn tih a sawi tawh a, hemi hnu hian dope test paltlang lote chu ban a ni dawn lo a, mahse ruihhlo laka an fihlim theih nan enkawl zui an ni ang, a ti. 

Punjab sorkar hian anti-drug campaign a kalpui mek a, he mi enfiah tura sub-committee an din chuan Thawhṭanni khan Chief Minister Singh hoin review meeting an nei a ni. CM chuan sorkar hnathawkte leh police te an vaia dope test neih tirna tura kaihruaihna siam turin Chief Secretary chu a hrilh a ni. 

CM Singh chuan drug laws khauh taka kalpuina turin sorkar hmalakna hrang hrangte kalpui turin a ti a, hei bakah hian ruihhlo laka invenna tur ruahmana ṭha zawk te, ruihhlo ngaite enkawlna tur ṭha zawkte siam turin a  ti bawk. 

Dope test neih hnua sorkar hnathawk, ruihhlo laka fihlim lo leh ruihhlo ngaite, inenkawlna tur sum neilote enkawlna senso chu sorkarin a tumsak dawn tih CM chuan a sawi. 

CM chuan ruihhlo ngaite enkawlna turin de-addiction centre-te tilian leh thuam ṭha turin a ti bawk a, Health Department hnenah OTT pawh tipung turin a ti bawk. SHO bakah SDM leh DSP te chu an bialte ruihhlo laka fihlim tura hma la turin a ti. Singh chuan a minister-te chu an district ṭheuhte tlawh a, ruihlo do beihpui thlak chungchangah officer, NGO leh civil society-te meeting neihpui ṭhin turin a ti bawk. 



Share this Post

Login to comment
No Comments