Sorkar laipuiin state 14-te MoU ziahpui dawn : Health Minister

Union Health Minister JP Nadda chuan sorkar laipui chuan National Health Protection Mission (NHPM) kalpuina turin state hrang hrangte chu inremna,  memorandum of understanding (MoU) ziahpui a tum tih a sawi. 

Central sorkar insurance scheme siam hi tunhnaiah Kerala chuan a kalpui tur thu a sawi a, hetihlai hian West Bengal erawh chuan hman a tum ve lo tih a sawi thung. 

Minister Nadda chuan Thawhṭanni khan kum li kalta chhunga a ministry hnathawh leh hlawhtlinna neih hrang hrangte sawiin press conference a nei a, he hunah hian NHPM chungchang hi a sawichhuak a ni. Minister chuan NHPM kalpui tur hian June 14-ah state 14-te chu MoU an ziahpui dawn tih a sawi a, state 12-te chuan an remti vek tawh a, pahnih dang chu sorkar laipui nen an inbe mek niin a sawi. 

Nadda chuan state hrang hrang tana criteria siamte pawh an tichhuak thuai dawn tih a sawi. Hei hi an scheme neihsa nena chhunfin an duh dawh em tihte an lo ngaihtuah dawn a ni, a ti. Sorkar laipuiin state hrang hrangte MoU a ziahpui hi an state mamawh dan azirin siam danglam hlawm a nih thu a sawi bawk. 



Share this Post

Login to comment
No Comments