CCTV camera chungchangah Delhi sorkar leh LG intithiam lo

Delhi-a CCTV camera dah tum chungchangah  Aam Aadmi Party (AAP) sorkar leh Lt Governor Anil Baijal te chu an intithiam lo hle a, Thawhṭanni khan Chief Minister Arvind Kejriwal leh a cabinet minister bakah MLA-te chuan LG office-ah darkar thum chhung  lungawi lohna an lantir. 

AAP sorkar chuan Delhi khawpuia CCTV camera dahna tur project chu dodal leh tibahlah lo turin Lt Governor hi an ngen a, BJP nawrna vangin Governor hian AAP sorkar hmalakna hi a dodal niin an sawi. 

Kerjiwal leh a thawhpuite hi Thawhṭanni tlai dar 3.30 aṭanga 6.40 thleng khan Baijal-a office bulah lungawi lohna lantirin an ṭhu a ni. BJP leh LG chuan khawpui chhunga CCTV camera dah tuma hmalakna chu an tibuai niin an sawi a, MLA-te pawhin an bial ṭheuhah BJP leh LG-in sorkar hmalakan tihbuai leh dan a tumdan hi miputie an hriattir dawn a, mipui ngaihdante pawh an la dawn tih Kejriwal chuan a sawi. 

Hetihlai hian Delhi LG chuan CCTV dahna tura rawtna lehkha hi a la dawng lo a, hei vang hian ti lo tura thupek pawh engmah a siam lo niin a sawi a, CM chuan awmze nei loin nawrh a huaihawt mai niin a sawi thung. 



Share this Post

Login to comment
No Comments