Arun Jailtey-a rinawmna thu tiam tir

Union Finance Minister Arun Jaitley-a chu Rajya Sabha member atan nimin khan rinawmna thu tiamtira lakluh a ni. 

Kum 65 mi, Arun Jaitley hi thla hmasa khan Uttar Pradesh-a Rajya Sabha inthlan neihah thlan tlin a ni a, member thlan tlin dangte lakluh an nih ṭumin a hriselna ṭhat loh vangin a tel ve thei lo a ni. Hei vang hian nimin khan a hranin lakluh a ni ta a ni. 

Nimina Jaitley-a lakluhnaah hian union minister Ananth Kumar, Ravi Shankar Prasad, Prakash Javadekar, Piyush Goel, Hardeep S Puri, Vijay Goel  leh Shiv Pratap Shukla te bakah eptu hruaitu Ghulam Nabi Azad-te pawh an tel.

Jaitley-a hi a kal (kidney) ṭhat lo vangin April 9 khan AIIMS-ah dialysis a ti a, inah enkawl zui mek a ni. A dam loh avang hian ramdanga a zinna tur ruahmanna lo neih tawhte pawh a ṭhulh vek a, April 2 aṭang khan office pawh a la kal lo a ni. 



Share this Post

Login to comment
No Comments