Kum thum chhungin MP leh MLA 1,700 thubuai siamsak

Union law ministry-in Supreme Court-a document a thehluhah,  kum 2014 - 2017 inkar chhungin Parliament leh state assembly member 1,700 chuang chu thubuai siamsak an ni. 

Nikum November thla khan Supreme Court chuan sorkar laipui hnenah kum 2014 Lok Sabha inthlanpui neih laia MLA leh MP thubuai 1,581 tihkhawtlai mek chungchangah report thehlut turin a lo hriattir tawh a ni. 

Kar hmasa khan Law ministry chuan SC-ah document hi thehlutin, politician laka thubuai ziahluh hi 3,186 a awm thu sawiin, heng zinga thubuai 3,045 chu tikhawtlai a nih thu a sawi. 

Ministry hian report siamna atan hian high court, state sorkar, Parliament in hnih leh legislative assembly office-te aṭangin data hi a lakhawm a ni. 

Roreltu zingah thubuai nei tamna ber state chu Uttar Pradesh niin kum 2014 aṭang khan criminal case nei hi 248 an awm a, Tamil Nadu-ah 178, Bihar-ah 144 leh West Bengal-ah 139 an awm. Andhra Pradesh, Kerala leh Telangana-ah pawh MP leh MLA thubuai nei lai 100 chuang ṭheuh an awm bawk. 



Share this Post

Login to comment
No Comments