TN ramngaw kangah mi pakua kang hlum

Tamil Nadu-a Theni district-a Kurangani reserve forest kangah trekking expedition-a kal mi pakua an kang hlum niin Tamil Nadu sorkar chuan a sawi. 

Commissioner of Revenue Adminstration K Sathyagopal chuan ramngaw kang vang hian mi pathum kanghlumin, mi 17 chhanchhuah an ni a, heng mite hi damdawi-in panpui nghal an ni tih a sawi. Thi zinga paruk hi Chennai mi niin, pathum hi Erode mi an ni. 

Chief Minister K Palaniswami chuan thil awmdan thlithlai turin Theni lam a pan nghal a ni. 

March 10 khan trekking expedition nei turin member 36 awmna team chuan Kurangani hills an thleng a, an zingah hian hmeichhia 25 leh naupang pathum an tel a ni. Chhanchhuah hna thawk tur hian IAF helicopter pali leh commando 10 tirh an ni a, anni bakah hian forest department, police leh local official leh tualchhung miten chhanchhuah hna hi an thawk bawk. 



Share this Post

Login to comment
No Comments