Central fund peknaah state duhsak bik awm lo : Arun Jaitley

Union Finance Minister Arun Jaitley-a chuan Prime Minister Narendra Modi-a kaihhruai sorkarin state-te hnena fund a pek danah eng party sorkar mah thliarhran bik a nei lo niin a sawi. 

BJP sorkarna ni lo state-te hnenah sorkar laipuiin fund a pe ṭha lo a, central sponsored scheme hrang hrang kalpuina tur sum pawh a pe chhuak duh lo nia sawi chu chhangin, Jaitley-a chuan state politics dinhmun eng pawh ni se, sorkar laipui chuan fund hi a pe zel a ni, a ti. 

Modi-a kaihhruai sorkar chuan state zawng zawng hmasawn tir a duh a ni tiin Jaitley chuan hmarchhak state bakah hill state pathum tana funding pattern, 90:10 pawh hman chhunzawm zel a nih thu a sawi bawk. 



Share this Post

Login to comment
No Comments