Rajasthan-in loneitute loan ba ngaidam dawn

Rajasthan Chief Minister Vasundhare Raje chua nimin khan an state chhunga loneitute loan ba, Rs 50,000 chin ngaihdam a ni dawn tih a sawi. Loan ba ngaihdamna tura sorkarin sum a sen tur hi cheng vaibelchhe 8,000 a tling. 

Finance portfolio chelhtu ni bawk,  CM Raje-i hian nimina state budget a pharh rualin loneitute loan ba ngaihdam ṭhen a nih tur thu hi a puang nghal a ni. Loan ba ngaihdamna tura loneituten an dawr tur hian loan relief commission pawh din a nih thu a sawi bawk. 

Hetihlai hian eptupawl, Congress member-te chuan an lungawi loh thu sawiin, sorkar chu loneitute phatsanah a puh a, loneitute loan ba chu a ṭhen azar chauh ni lo, a vaia ngaihdam sak turin an phut thu an sawi. 

CM Raje-i chuan state transport bus-ah kum 80 chunglam te a thlawna chuantir an nih tur leh, anmahni enkawltu mi pakhat chu bus fare a chanve zela laksak an nih tur thu a sawi  bawk. 



Share this Post

Login to comment
No Comments