Jats-ten rally huaihawt tum ṭhulh

Haryana-a Jats hnamten an hnam puala quoata siamsak phut nana February 15-a rally huaihawt an tum chu Chef Minister Manohar Lal Khattar nena an inbiak hnuah ṭhulh an remti. 

Jats-te hian February 15-a BJP president Amti Shah-an Jind-a bika rally a telpuina tur tihbuai tumin rally huaihawt an tum a ni. Jats hnam leh sorkar aiawhte chu ṭum eng emaw zat an inbiak hnuah Pathianni zan khan inremna an siam thei ta a ni. Sorkar aiawh hian CM Manohar Lal Khattar bakah Union minister Birender Singh leh senior BJP leader Anil Jain-te an tel a, Jats hnam aiawhte hi All-India Jat Aarakshan Sangarsh Samiti president Yashpal Malik-an a ho a ni. 

Yashpal Malik chuan sorkar aiawhte nena an inbiaknaah hian kum 2016, February thlaa sorkar hna leh zirna ina Jats quota dah phuta nawrh an huaihawt ṭuma buaina chhuak vanga Jats hnam mi eng emaw zatte laka thubuai siam chu sorkarin hnuhdawh a remtih thu a sawi. He inbiaknaah hian reservation an phut chungchang pawh sawiho a ni tih a sawi bawk. 

Jats-te hian an hnam puala quota pek an phut nawrna atan hain February 15-a Jind-a Amit Shah-a hoa bike rally neih tur tibuai tura rally huaihawt hi an tum a, he hunah hian tractor-trolley 50,000 vel teltir an tum a ni. 



Share this Post

Login to comment
No Comments