Police-ten PM Modi leh Rahul Gandhi-te phalna pe duh lo

Gujarat assembly inthlan neih tur atana campaign mek, BJP hruaitu leh Prime Minister Narendra Modi leh Congress  hruaitu Rahul Gandhi-ten Ahmedababd-a road show buatsaih an tum chu police-ten phalna an pek theih loh avangin ṭhulh a ni. 

Police-te hian road show buatsaih tum hian traffic a tihbuai bakah, security lam venthawn thil avangin phalna an pe thei lo tih an sawi. 

BJP leh Congress party hi an campaign ngawrh hle a, road show pui tham tak tak pawh an lo buatsaih tawh a ni. December 9 khan inthlan thawh khatna chu assembly seat 182 zinga seat 89-ah neih a ni tawh a, inthlan thawh hnihna hi December 14 hian bial 93 ah neih leh a ni ang. 

Ahmedabad Police Commissoner AK Singh chuan road show buatsaih hian mipuite teivelna kawngah harsatna a siam theih dawn avang leh, venhimna lam venthawn thilah party pahnihte dilna hi hnawl a nih thu a sawi. BJP hian km 35-a thuiah road show hi buatsaih a tum a, PM Modi-a hoin road show-ah hian constituency paltlang an tum a ni. Congress party pawhin kawng dangah road show hi buatsaih a tum ve bawk. 



Share this Post

Login to comment
No Comments